Mga Produktong Pwedeng Gawin Mula sa Kasoy

Ito ay ilan lamang sa mga maaari natin maging basehan ngunit ito ay maaari pa nating mapaunlad.

CASHEW JUICE

Mga Sangkap:

2 kilo hiniwang kasoy apple (bunga)
1 3/4 tasang asukal

Mga Kagamitan:

-Sangkalan                           
*Salaan

*Plastic container               

 *Kutsilyo (Stainless)

*Stainless container

*lMalinis na bote (pinakuluan)

*Mixing bowl (palstic)

*Thermometer

*1/3 Metro ng katsa

Mga hakbang sa paggawa

1. Tapyasin ang magkabilang dulo ng kasoy "apple". Hiwain ito ng maliliit na piraso ng pahalang. Gawin ito sa lahat ng kasoy apples.
2. Timbangin ang mga nahiwang cashew apples. Sa bawat kilo lagyan ito ng 3/4 - 1 tasang asukal.
3. Ilagay sa mixing bowl o plastic container at paghaluin mabuti ang kasoy at ang asukal. Takpan ang mixing bowl.
4. Pansamantalang itabi ito ng magdamag.
5. Makalipas ang 12 -15  oras tanggalin ang takip at salain ito.

Paraan ng pagsasala

1. Lagyan ng katsa ang salaan na stainless. Siguraduhing hindi mapapahalo ang pulp juice.
2. Itabi ang mga cashew pulp dahil maaari pa itong magamit sa iba pang mga cashew recipes.
3. isalin ang juice sa malinis na bote sa pamamagitan ng paggamit ng embudo .
4. Ilagay ang mga bote sa loob ng stainless o kalderong may tubig.
5. Palamigin ang hinangong bote sa gripo
6. Kapag maligamgam na ang bote hanguin ito sa pagkababad at isara ngmahigpit ang takip.
7. Punasan ng tuyong basahan ang mga bote at ilagay sa malamig na lugar.

Paraan ng Pagtimpla ng juice:

Ihalo ang isang basong cashew juice sa 1 1/2  basong malamig na tubig. Maaaring lagyan ng katas ng kalamansi kung  nanaisin.

CASHEW WINE

Mga Sangkap:
1 litro cashew juice
2 kutsaritang yeast
1 1/2 tasang tubig
2 kutsara maligamgam na tubig

Mga Kagamitan:

*Telang Katsa
*Malinis na bote o gallon na bote
*Plastic container

*Embudo
*Salaang papel (filter paper)  

*Malinis na bote na paglalagyan  ng wine
*Bulak                                        

*Sandok

Mga hakbang sa paggawa

1. Paghaluin ang cashew juice at ang 1 1/2 tasang tubig.
2. Ilagay ang yeast sa maligamgam na tubig bago ito ihalo sa cashew juice. Haluing mabuti.
3. Isalin ang juice mixture sa malinis na bote o gallon hanggang 3/4 lamang at takpan ng bulak
4. Pansamantalang itabi ito sa madilim na lugar at huwag gagalawin.
5. Makalipas ang apat na linggo, alisin na ang takip na bulak at salain ito ng katsa o filter paper.
6. Isalin ang alak sa malinis na bote ng alak at takpan ng mahigpit

Paraan ng Pag -inom

Ilagay ang cashew wine sa refrigerator at palamigin muna ito bago inumin.

CASHEW VINEGAR

Mga Sangka at Mga Kagamitan:

*1 litro cashew wine                      

*Tela katsa        

*Malinis na garapon

*1/3 tasang old vinegar                  

*Embudo           

*Lastiko

*Sandok                    

Mga hakbang sa paggawa

1. Paghaluing mabuti ang lumang suka (old vinegar) at alak.
2. Isalin sa malinis na garapon hanggang 3/4 lamang.
3. Takapn ng telang katsa ang garapon at higpitan ang tali o lastiko.
4. Pansamantalang itabi sa mahangin na lugar.
5. Makalipas ang 3-4 linggo, ilipat ang suka sa mga malinis na bot.
6. I-pasturized ang bote sa loob ng 5 minuto.
7. Hanguin at takpan ng mahigpit ang bote.

Paraan ng paggamit:

Ang sukang nagmula sa kasoy ay maaaring gamitin na pangsawsawan at sangkap na pangluto sa iba't ibang putahe.

POLVORON DE CASOY

Mga Sangkap:

500g arina (binusa)
100g full cream milk powder
300g cashew butter
100g lard tinunaw
100g skim milk powder
200g asukal (puti)
100g margarine (tinunaw)
75grams cashew nut (fried at buo)

Mga Kagamitan:

Mixing bowl
Strainer
Plastic cellophane
Sandok
Polvoron molder
Packaging material


Mga hakbang sa paggawa

1. Pagsama-samahin ang lahat ng sangkap at idagdag sa huli ang tinunaw na margarine at lard.
2. Ipadaan sa strainer ang mixture hanggang sa ganap na mapino ito.
3. Ihulma sa polvoron molder ang mixture.
4. Lagyan ng buong kasoy ang ibabaw ng polvoron bago balutin ng cellophane.
5. Iayos sa packaging material.

CASHEW TART

Mga Sangkap

Filling

• 500 g arina
• 200 g full cream milk powder
• 200 g powdered sugar (peotraco)
• 100 g asukal puti
• 100 g margarine (tinunaw)
• 200 pcs. tart shell
• 1 tsp. asin (pino)
• 1 kg cashew butter

Topping

• 400 g fried cashew nut (dinikdik)

Paraan ng paggawa

1. Pagsama-samahin ang mga sangkap.
2. Ilagay sa palstic bag at doon imasa sa kamay.
3. Ilagay ang filling sa tart shell.
4. Budburan ng dinikdik na kasoy ang ibabaw tart.
5. Balutin ng cellphone ng isa-isa.
6. Iayos sa packaging material.

BARQUILLOS DE CASOY

Mga sangkap

*300 g binusang arina

*400 g cashew nut butter

*100 g full cream milk powder

*250 g asukal puti

*100 g coffeemate

*1 kutsaritang asin

Mga kagamitan

*Mixing bowl

*Polypropylene bag

*Plastic cellophane

*Strainer

*Sandok

Paraan ng Paggawa

1. Pagsama-samahin ang lahat ng mga sangkap.
2. Haluin ng mabuti at salain sa strainer upang maging pino ang mixture.
3. Ilagay ang mixture sa loob ng barquillos at taktakin ito upang maging siksik ang laman.
4. Ibalot ng polypropelene bg ang mga nakabalot na barquillos at i-seal.

CASHEW JELLY

Mga sangkap

• 1 kg cashew juice extract
• 1/2 tsp. citric acid o katas ng kalamansi
• 1 cup katas ng bayabas (kung nanaisin)
• 1/3 cup puting asukal

Mga Kagamitan

• Kalan
• Kaldero
• katsa
• Sandok
• Preserving jar
• Thermometer

Mga hakbang sa paggawa

1. Isalin ang cashew juice extract sa pamamagitan ng katsa (ang cashew juice extract ay mula sa 2 bahagi sa paggaw ng jam).
2. Ihalo ang citric acid, asukal at katas ng bayabas sa cashew juice at tunawin.
3. Lutuin ang katas ng kasoy at bayabas sa kalderong stainless at lutuin ito hanggang sa lumapot
4. Kapag umabot na ang temperature sa 110 -115 degree celcius ay hanguin na ito sa apoy.
5. Agad na isalin sa mga preserving jars ang jelly.
6. Palamigin ang jelly bago takpan ng mahigpit ang bote.

Paraan ng paggamit

Ang jelly ay maaaring kainin bilang panghimagas o palaman sa tinapay.

CASHEW JAM

Mga sangkap

1 kg hiniwang laman ng kasoy

1 kg puting asukal

1/2 tbsp citric acid o kalamansi

Mga Kagamitan

• Kutsilyo
• Kalan
• Blender
• Salaan
• Preserving jar
• Sangkalan
• Katsa
• Palanggana (Plastic)
• Sandok (stainless)
• Thermometer

Paraan ng Paggawa

1. Hiwain ng manipis ang mga bunga ng kasoy o cashew apples.
2. Lagyan ang hiniwang kasoy ng asukal, 1 kilong asukal sa bawat kilo ng cashew pulp.
3. Isalin sa plastic na palanggana ang hiniwang kasoy at pansamantalang itabi ito.
4. Makalipas and 12 -15 oras ay isalin ang katas. Itabi ang katas para sa paggawa ng jelly.
5. Ihalo ang asukal sa cashew pulp bago ito ilagay sa electric blender. 2 tasa ng asukal kada 1 kilo ng cashew pulp.
6. Kapag ito ay napino  na, ibalik ito sa kalderong stainless at isalang sa kalan.
7. Ilagay ang citric acid at haluing madalas upang maiwasan ang paninikit ng jam sa kaldero.
8. Kapag ito ay malapot na agad na isalin sa mga preserving jars.
9. Hayaang lumamig ang jam bago ito takpan ng mahigpit.

Paraan ng paggamit

Ang cashew jam ay maaaring kainin  bilang panghimagas o palaman sa tinapay.

CASHEW PRUNES (SWEET-DRIED)

Mga sangkap

1 kg cashew pulp

1/4 tsp preservative

3/4 tsp citric acid o katas ng kalamansi

5 cups asukal

1/2 cup caramel syrup

2 tsp asin

Mga Kagamitan

• Kutsilyo
• Kalan
• Blender
• Salaan
• Preserving jar
• Sangkalan
• Katsa
• Palanggana (Plastic)
• Sandok (stainless)
• Thermometer

Paraan ng paggawa

1. Tunawin ang kaunting caramel syrup, preservative, citric acid at asin.
2. Ihalo ang asukal, caramel at mga tinunaw na sangkap sa kaldero o kawa.
3. Haluing mabuti at pakuluan hanggang sa matunaw ang asukal.
4. Ilagay ang cashew pulps sa kumukulong mixture.
5. Takpan ito at hayaang kumulo hanggang sa matunaw ang asukal.
6. Makalipas ang 10 minuto hanguin ang kaldero at ilagay sa isang tabi.
7. Hayaang  nakababad ang cashew pulp sa syrup na nasa colander.
8. Ilubog ang colander sa malinis na tubig  sa loob ng 3 segundo.
9. Ilipat ang cashew pulpsa drying tray at ibilad sa araw ng 1 -2  araw.
10. Takpan ito ng plastik habang binibilad  upang maiwasan ang dumi at pagdapo ng insekto.
11. Pagkatapos ibilad ilagay ang natuyong cashew pulps sa telang malinis at hayaan sa magdamag na nakabalot.
12. Makalipas ang magdamag  maaari na itong ilagay  sa mga plastic o boteng garapon o polypropylene bags.
13. Isara ang plastic bag sa pamamagitan ng plastic sealer o kandila.

Paraan ng paggamit

Ang sweet dried cashew ay maaari ng kainin (ready to eat) o isangkap sa fruit salad, cakes and pastries.

PASTILLAS DE KASOY

Mga sangkap

500 g full creeam milk powder

500 g powdered sugar (peotraco)

1 kg cashew butter

1 1/4 bottle light syrup (karo)

3 tbsp margarine (tinunaw)

Skim milk

1 tsp fine salt

Mga Kagamitan

• Mixing bowl
• Kutsilyo
• Plastic cellophane
• Rolling pn
• Packaging tray
• Sandok

Paraan ng paggawa

1. Pagsama-samahin ang lahat ng mga sangkap maliban sa light syrup (karo).
2. Haluing mabuti ang lahat ng mga sangkap.
3. Ibuhos ng dahan-dahan ang light syrup sa buong sangkap.
4. Ilagay sa malaking plastic bag at doon  imasa sa pamamagitan ng kamay.
5. Isalin sa plastic tray na manipis sa padaanan ng rolling pin hanggang sa maging pantay ang kapal ng mixture sa hulmahang tray.
6. Hiwain ang pastillas ayon sa nais na laki.
7. Pagulungin  ang nahiwang pastillas sa skim milk.
8. Balutin  ng isa -isa sa cellophane at ayusin ito sa loob ng packaging material.